Tag Archives: jokes

Alumni Jokes – Volume 3

JOKE 3

JOKE 26

Ang tatay ni Pedro nangutana sa iyang exam…
Tatay: Pedro, unsa man ning naa sa imong exam? Nganong naa may F?
Pedro: Ah, FASAR ang buot ipasabot ana tay!
Tatay: Mao ba! Abi man gud nako ug FERFECT!

JOKE 27

Si Mrs. Christine nagpabuhat ug class activities…
Mrs. Christine: Try to imagine… nga MILYONARYO mo. Then isulat tanan ninyong activities sa papel.
Tanan: Yes Ma’am!
Mrs. Christine: (nahibulong) O, Pedro nganong wala man gihapon ka nagsulat?
Pedro: Ah Ma’am, nagpaabot pa man gud ko sa akong SECRETARY!

JOKE 28

Ang tatay ug nanay ni Gracia nag-away…
Nanay: Gracia anak, dili na nako kaya ang gipamuhat sa imong amahan! Makigbuwag na jud ko niya, pagpili asa ka namong duha mokuyog?
Gracia: Nay sa akong boyfriend! Si Pedro!

JOKE 29
Si Gracia ug si Pedro nag-away…
Gracia: Kabalo ka Pedro, kung ikaw naman lang gani akong mabana, butangan jud nako ug hilo ang imong kape!
Pedro: Hoy Gracia, kung ikaw man sad gani akong ma-asawa, imnon jud dayon nako ang kape!

JOKE 30

Si Santiago nahadlok nga nisumbong sa iyang tatay…

Santiago: Tay tinuod ba nga naay ungo diri sa atong balay?
Tatay: Ayaw tuo ana anak! Wala man koy namatikdan!
Santiago: Nganong ingon lagi si yaya nga naa daw multo!
Tatay: ‘nak, panghipos ug dali, mamiya ta diri!
Santiago: Ngano man tay?
Tatay: Wala man gud tay yaya!

JOKE 31

Si Gracia sulod sa hukmanan.
Judge: Gracia, tinuod ba ang gi-akusar sa imong bana nga gilabay nimo siya ug LINGKURANAN!
Gracia: Tinuod, your Honor!
Judge: Nganong imo man kining gibuhat!
Gracia: BUG-AT MAN GUD KAAYO ANG AMONG LAMISA YOUR HONOR!

JOKE 32

Si Pedro ug Santiago nagtabi…

Pedro: Bay, kabalo ka sa 9 x 9?
Santiago: 81 bay!
Pedro: Hahahahaha….
Santiago: Bay, nganong imo man kong gikataw-an?
Pedro: Abi man gud nako’g dili ka kahibaw. Astig na kaayo ka bay! I’m proud of you!

JOKE 33

Si Santiago nga permi lang mahold-up inig adto niya sa siyudad…
Santiago: Ikaw na sad! Katulo nako nimo naholdap ning buwana da!
Holdaper: Ingon ana man jud nang business sir, atimanon gyud ang GOOD CUSTOMER ba!

JOKE 34
Gikasab-an na sad si Pedro sa iyang tatay kay hagbong na sad kini…
Tatay: (nasuko) Hagbong na sad ka? Nganong dili man ka mosunod anang imong amigo nga si Santiago, wala gyoy hagbong, segi pa ug ka-honor!
Pedro: Unfair man ka tay oy!
Tatay: Ngano man?
Pedro: Bright man gud tong tatay ni Santiago!

JOKE 35

Si Gracia nisulod sa Jollibee para mokaon…
Jollibee Crew: Ma’am diri nimo kaunon?
Gracia: Pwede sa lamisa?

JOKE 36

Ang papa ni Pedro nalipay pagkadungog nga si Pedro gusto kining manguma pareho niya…
Papa: Lalaki jud ni akong anak da kay gusto naman manguma! Pedro, anak, unsa man imong plano nga itanom sa atong umahan?
Pedro: Flowers papsi! Lots and lots of flowers!

JOKE 37

Si Santiago nangaplay pagka-sundalo…
Santiago: Sir, mangaplay unta ko pagka-sundalo!
Officer: Dili ka pwede diri dong kay daghan kaayong daot imong ngipon unya busngi pa jud!
Santiago: Sori sir, wala man gud ko kabalo nga pinaakay na diay karon ang kinhanglan… para mahimong sundalo?

JOKE 38

Si Santiago nangutana sa iyang mama…
Santiago: Ma, asa man to’ng GRIEF nga gilabhan nako gahapon?
Mama: DIli na grief anak! BRIEF na oy!
Santiago: Ahhh! Asa man ma?
Mama: Kuhaa lang anak tua sa kwarto, naka-HAMMER!

JOKE 39

Si Pedro nangutana sa iyang Mommy.
Pedro: Mommy, di ba ang angel molupad? Nganong ang atong katabang, tawgon lagi permi ni Daddy ug MY ANGEL pero dili lagi molupad?
Mommy: Anak, wait sa diha… akong tawgon atong katabang kay paluparon nako karon dayon!

Leave a comment

Filed under Uncategorized

Alumni Jokes – Volume 2

Joke Time

JOKE 14

Ang manag-uyab nga sila si Pedro ug Gracia nagtabi mahitungod sa Horoscope…
Gracia: Sweety pie, unsa gali to imong Zodiac sign?
Pedro: (naghuna-huna kay wala man intawn kalibutan sa horoscope ug niingon…) Ikaw ‘sa sweety pie, unsa to ang imoha?
Gracia: Cancer!
Pedro: Ah, kabalo na ko sweety pie sa akoa… GOITER!

JOKE 15

Si Santiago na-admit sa ospital para operahan ang iyang ‘apendesitis’… ug dihang naa na siya sa operating room nangutana siya sa doktor…
Santiago: Dok, okay ba ang inyong serbisyo diri?
Doktor: Okay kaayo, ayaw kabalaka sir!
Santiago: Unya kong dili ko satisfied sa inyong serbisyo dok?
Doktor: E, di ibalik nato ang imong apendesitis.

JOKE 16

Ang nanay ni Pedro nga gikan sa merkado niabot nga nagbaguod sa kinumpra ug nituktok sa ilang pultahan.
Nanay: Knock! Knock! Knock!
Pedro: Who’s der?
Nanay: Nanay nimo!
Pedro: Nanay nimo who?
Nanay: Nanay ni nimo Pedro, amaw jud ka da! Ablihi kuno ning pultahan kay bug-at kaayo akong gidala!

JOKE 17

Si Pedro, Santiago ug si Gracia naglakaw padulong sulod sa eskwelahan nagtabi mahitungod sa ilang CAT (Citizen Army Training) hangtod naabot ilang istorya sa Armed Forces. Pag-abot nila sa may gate, nagbantay didto si Mr. Archie para mag-check sa mga manulod nga estudyante…

Gracia: Pedro, kabalo ka sa mga motto sa Armed Forces of the Philippines.
Pedro: Kabalo ko sa Philippine Airforce…”No guts, no glory!”
Gracia: Mao ba, ikaw Satiago?
Santiago: No retreat, no surrender”… ang sa Philippine Marines!
Gracia: Kabalo lagi mo…pero ang army diay?
Pedro ug Santiago: Wala mi kabalo…mangutana ta ni Sir Archie!
Mr. Archie: (nakadungog nga naa sa gate) Ang Army kay “No pain, no gain!”. Pero wala man moy ID tulo… dili mo ganahan makabalo sa akong motto?
Pedro, Santiago, Gracia: Unsa man sir?
Mr. Archie: “No ID, no entry!” Hala uli mo ug balik sa inyoha!

JOKE 18

Si Pedro ug Santiago nagtabi…
Santiago: Bay, ingon nila ba kung GWAPO daw, slow kuno sa grammar!
Pedro: What? Did they sure? What does they proof? I am not believe this? Does you?

JOKE 19

Tungod kay walay pasar-pasar si Pedro sa iyang mga exams, nasuko ug maayo ang iyang tatay.
Tatay: (nasuko) Hoy Pedro, kung dili pa gani ka kapasar sa imong exam ugma, ayaw na ko tawga’g tatay! Kasabot!
Pedro: O tay!
Pagka-sunod adlaw nangutana ug balik ang tatay ni Pedro…
Tatay: O Pedro, kumusta ang imong exam?
Pedro: Okay ra man tsong!

JOKE 20

Si Santiago nga tapulan gisugo sa iyang mama…
Mama: Santiago, himbisi ning isdang akong pinalit o!
Santiago: WTF!
Mama: Unsa to? Unsa imong giingon? WHAT THE F*CK?
Santiago: Dili ma oy, patuyang lang jud ka! Ingon nako WHERE’S THE FISH?”

JOKE 21

Ang duha ka manag-amigo nagtabi..
Pedro: Bay, bisan ug naninda lang ko ug mani diri gawas sa BNHS apan naa nakoy mga anak nga naa sa Cebu Doctors College, San Carlos (USC) ug San Jose (USJR)!
Santiago: Wow! Kuyawa na gud nimo bay! Unsa may mga kurso nila?
Pedro: Wala, naninda sad ug mani sama nako!

JOKE 22

Ang amahan ug anak nagtabi.
Pedro: Tay, pag-amping sa DANTRAK ha!
Tatay: Unsay dantrak dong?
Pedro: Kana gud sakyanan nga napulo kabuok ligid!
Tatay: Dili na dantrak dong Pedro oy… TEN MILLER na!

JOKE 23

Si Gracia nga kusog motubag-tubag sa iyang mama, nakasab-an ug maayo…
Mama: (suko kaayo) Layas karon dayon! Ayaw na’g balik diri sa balay! Ug sukad karon ayaw nako tawga ug nanay, kay wala koy anak nga badlungon, igat ug way batasan!
Gracia: Segi mare, moadto nako!

JOKE 24

Si Gracia nga nanghingugmo sulod sa jeep diin tupad niya ang usa ka tiguwang…
Tiguwang: Day, unsa imong gikuha?
Gracia: Nursing nang!
Tiguwang: Ah, abi man gud nako ug kugmo!

JOKE 25

Si Pedro ug Santiago nga puro palahubog nagtabi…
Pedro: Bay, kabalo ka nga sa sobra nakong kahubog gabii, nabaligya nako akong asawa (si Gracia) nga wala jud ko masayod!
Santiago: Mas hubog pa ko nimo bay oy… kay wala naman gani ko mohangyo! Dretso naman gani ko’g palit sa imong asawa!

Leave a comment

Filed under Uncategorized